Plutôt la vie

André Breton
Antes a Vida
 

Antes a vida que istes prismas sen espesura aínda que as cores sexan máis puras

Antes ela que esta hora sempre aneboada que istes terribles vehículos de chamas frías

Que estas pedras podres

Antes iste corazón esta navalla automática

Que iste lagoto de murmurios

E que esta tea branca que canta asemade na terra e no ar

Que esta beizón nupcial que une a miña fronte coa da vaidade total

Antes a vida

Antes a vida coas súas sabas esconxuradoras

Coas súas cicatrices de evasións

Antes a vida antes iste rosetón na miña tumba

A vida da presenza nada máis ca da presenza

Na que unha voz pregunta Estás aí e outra responde Estás aí

Pero ai eu apenas estou aí

E malia que lle fagamos o xogo ó que matamos

Antes a vida

Antes a vida antes a vida Nenez venerable

A fita que parte dun faquir

Semella o ferrollo do mundo

Por máis que o sol non sexa máis ca un refugo

A nada que o corpo da muller se lle asemelle

Pensas ti contemplando cadora a traxectoria

Ou tan só ó pechares os ollos sobre a tormenta adorable que ten por nome a túa mao

Antes a vida

Antes a vida coas súas sás de espera

Cando un sabe que xamais o farán pasar

Antes a vida que ises balnearios

Onde o servizo está composto por colares

Antes a vida desfavorable e longa

Cando os libros volvan cerrarse aquí en andeis menos lenes

E cando alí vaia máis que mellor vaia libre si

Antes a vida

Antes a vida como fondo de desdeño

Desta cabeza abondo fermosa

Como o antídoto desta perfección que ela reclama e teme

A vida o enfeite de Deus

A vida como un pasaporte a estrear

Unha pequena vila tipo Pont-à-Mousson

E como todo esta dito xa

Antes a vida

(Tradución de Xoán Abeleira)

Xalundes
Grupo Surrealista Galego
Xalundes

"-Vos no podrías -Dijo (La Maga)- Vos pensás demasiado antes de hacer nada.
-Parto del principio de que la reflexión debe preceder a la acción, bobalina.
-Partís del principio - Dijo La Maga-. Qué complicado. Vos sos como un testigo, sos el que va al museo y mira los cuadros. Quiero decir que los cuadros están ahí y vos en el museo, cerca y lejos al mismo tiempo. Yo soy un cuadro, Rocamadour es un cuadro. Etienne es un cuadro, esta pieza es un cuadro. Vos crees que estás en esta pieza pero no estás. Vos estás mirando la pieza, no estás en la pieza." Cortázar; Rayuela