ἐνέργεια II (Decálogo)

Ultimamente penso moito na enerxía e na  súa perda,  e hoxe, "casualmente", atopei isto. 
Moitas destas pautas son demasiado obvias pero por iso mesmo , as esquecemos facilmente.
 Desde hoxe vou pegalas cun imán na neveira. (grazas, A.)

1- Deixa ir a persoas que só chegan para compartir queixas, problemas, historias desastrosas, medo e xuízo dos demais. Se alguén busca un cubo para botar o seu lixo, procura que non sexa na túa mente.

2- Paga as túas contas a tempo. Ao mesmo tempo cobra a quen te debe ou elixe deixalo ir, se xa é imposible cobrarlle. As débedas non caducan co tempo, aínda que a lei te protexa; se responsable, é mellor facer un prazo de céntimo a céntimo, que perder a túa prezada enerxía e a túa palabra.

3- Cumpre as túas promesas. Se non cumpriches, pregúntate por que tes resistencia. Sempre tes dereito a cambiar de opinión, a desculparte, a compensar, a renegociar e a ofrecer outra alternativa cara a unha promesa non cumprida; aínda que non como costume. A forma máis doada de evitar non cumprir con algo que non queres facer, é dicir NON dende o principio.

4- Elimina no posible e delega aquelas tarefas que non prefires facer e dedica o teu tempo a facer as que si gozas. Aínda que non debes de fuxir de responsabilidades e non todo o tempo é factible, moitas veces por puro control ou por non nos dar o permiso, seguimos perdendo tempo en nimiedades e abandonando o verdadeiramente significante nas nosas vidas.

5- Date permiso para descansar se estás nun momento que o necesitas e  para actuar, se estás nun momento de oportunidade. A natureza, ten ritmos e a túa vida tamén. Non actuar no momento erróneo quítate enerxía e non parar cando o necesitas, tamén.

6- Tira, recolle e organiza, nada che toma máis enerxía que un espazo desordenado e cheo de cousas do pasado que xa non necesitas. Un por un, toma cada papel, cada recordo e ata cada sono e elixe.

7- Dá prioridade á túa saúde, sen a maquinaria do teu corpo traballando ao máximo, non podes facer moito. Toma sol polas tardes, medita, respira báñate no mar, fai exercicio na natureza, escoita o teu corpo e elimina as toxinas. Fai unha cita médica e mira se che faltan minerais ou vitaminas. Aliméntate con comidas orgánicas (sen pesticidas) e frescas; traballa na prevención para evitar a crise dunha enfermidade (un aviso un corpo sen enerxía).

8- Enfronta as situacións tóxicas que estás a tolerar, dende rescatar un amigo ou un familiar, ata tolerar accións negativas dunha parella; e toma a acción necesaria. Resignarte a unha situación e sentir que non tes control, só conseguirá drenarte.

 9- Acepta. Non é resignación, pero nada  fai perder máis enerxía que o resistir e pelexar contra unha situación que non podes cambiar.

10-Perdoa, deixa ir unha situación que che estea a causar dor, sempre podes elixir deixar a dor do recordo.